روائع نسران للعقارات

اشبرك يامحمد .. للإستاذ  / عبدالمحسن بن محمد القباني


اشبرك يامحمد .. للإستاذ / عبدالمحسن بن محمد القباني



ضرماء ـ صحيفة ضرماء :

.

.

 

يالله على بابك عزمت وتوكلت
وسليت سيفٍ مابعد كلّ حده

 

وبوسط بستان القصايد تجوّلت
وقطفت من بستانها كم ورده

 

نضمتها معني ومبنى وكملت
قيفانها والقول ماعنه صده

 

الله من شيٍ كتمتـه ولا قلت
دفنته بصدري ولا ابديت سده

 

ياوقتي ارحمني علامك علي ملت
ارحم صويبٍ كل ما جـاه هـده

 

قامت تلاوحني سهومك ولا طلت
شيٍ من سهـومك بكفي ارده

 

اشبرك يا محمد وابوعك ولازلت
اعد لك وانسى حسابي وأعده

 

ابيك عن متني تشيل الّذي شلت
وما طاح من عزمي بعزمك تشده

 

ولِـ غبت عن عينك تطول الّذي طلت
وهاك الفراغ الّي تركتـه تسده

 

وترى ظروف الوقت مهما تخيّلت
تبقى الظروف بطبعها مستبده

 

وفعل يمينك يرفعك لـِ تمثلت
مايظهر الرجال فعلٍ لجده

 

واليـَ نويته درب والا تزهلت
لا تنثني لِـ توصله عند حده

 

ومن ياصلك لا تقطعه لوتحملت
ولٍـ اقفى المقفي لا تحاول ترده

 

واحرص ليـَ منك بموقف تجملت
عيبٍ عليك بكل مجلس تعده

 

واخوك حطه عن يمينك ليـَ أقبلت
عزه ورزه وُود منـهو يوده

 

تلقاه لـِ يمنـك بآمرٍ تعجلت
فرخ الحرار الّي يمينك تهده

 

واختامها يالله بعفوك توسلت
اغفر لمنهو دمعته فوق خده

 

 

الاستاذ / عبدالمحسن بن محمد القباني

 


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *