روائع نسران للعقارات

حي دفني حي ماله ومالي جديد الاستاذ / عبدالمحسن القباني


حي دفني حي ماله ومالي جديد الاستاذ / عبدالمحسن القباني



ضرماء – صحيفة ضرماء :

.

 

أصد…في دووٍ بعيـــدٍ لحالي
ونفسي عزيزة لا مهونه ولا ذل

 

وأبعد عن الغالي…ولو كان غالي
وأصد عن منهو عليّ أخمل وزل

 

ارخصت له مالي وجاهي وحالي
وعز الله انه بالوفا..ماتجمل

 

حي دفني حي…ماله ومالي
حتى ولو يفرش لي الدرب…بالزل

 

ومن لاحشمني حي…لوه الموالي
اصد عنه واحسبه ماضي و زل

 

ومن قال اصبر خل صدرك شمالي
قل له اعيش اوضاع مالقى لها حل

 

يشتب في صدري من الهم صالي
هم يتل القلب من داخلي…تل

 

بعض الهموم حمول ثقل الجبالي
وبعض الرجال جروم هرجه خذ وخل

 

وفي هالزمن مايرتكي لـِ الثقالي
الا الذي…لاقد تعذر ولا مل

 

مواقف الدنيا مرايـــــا قبالي
وبعض الصور تغني عن مشاهد الكل

 

وبعض الكلام يسدّ لـِ جا مجــالي
وجزل الكلام…الي يوفي ولو قل

 

واٍن شفت لي عدٍ قراح زلالي
آرد على صافي قراحه…وآعل

 

ومناكب الدنيا…عراضٍ طوالي
ماضاع…منهو يبخص الدرب ويدل

 

ومـآلـــها لـو طوَّلت…للزوالي
وكلٍ على وِجْهة طريقه بيوصل

 

 

عبدالمحسن بن محمد القباني


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *